Plantun de Prouvènço

Pèr coumpara dos planto d'encò nostre

Orobanche laserpitii-sileris & Arum cylindraceum

Orobanche laserpitii-sileris

Orobanchaceae

Nom en français : Orobanche du sermontain.

Descripcioun :
Aquesto grando erbo-de-taurèu, raro au nostre, trachis dins li roucaio e lis esboudèu. Parasito l'angelicasso-de-mountagno (Laserpitium siler), ço qu'es un bon mouien de la recounèisse. Fai partido dóu group qu'a l'estigmate jaune e la labro de flour d'en bas bourdado de péu. Sèmblo proun à Orobanche kochii.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 70 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 22 à 30 mm
Flourido : Printèms - Estiéu

Sòu : Ca
Autour basso e auto : 500 à 1200 m
Aparado : Noun
Jun à juliet

Liò : Roucaio - Esboudèu
Estànci : Subremediterran à Subaupen
Couroulougi : Ouroufito-Sud-Éuroupenco
Ref. sc. : Orobanche laserpitii-sileris Reut. ex Jord., 1846

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.